Словакия Қазақстанға қарсы матч алдында тәжірибелі ойыншысынан айырылды

Орталық жартылай қорғаушы Матуш Беро Ұлттар лигасының алдағы матчтарында Словакия құрамасына көмектесе алмайды, деп хабарлайды ASnews.kz.

Қыркүйектің басында ғана мажарстандық «Ференцварош» сапына қосылған футболшы табанындағы сүйектің сынуына байланысты қатардан шығып қалды

Владимир Вайсс бастаған словакиялық ұлттық құраманың бапкерлер штабы жарақат алған хавбекті алмастыратын ойыншының есімін әзірге жариялаған жоқ.

31 жастағы жартылай қорғаушы Словакия ұлттық құрамасы сапында 50 матч өткізіп, бір гол соқты және бес нәтижелі пас берді.

Жартылай қорғаушы өзінің кәсіби мансабын туған клубы «Тренчинде» бастап, оның сапында екі дүркін чемпион және Словакия кубогының иегері (2014/15, 2015/16) атанды. Өз еліндегі жетістіктері оған түркиялық «Трабзонспорға» ауысуға мүмкіндік берді (трансфер сомасы 2,5 млн еуроны құрады). Одан кейін хавбек нидерландтық «Витесс» сапында бес табысты маусым өткізіп, кейін сол жақтан германиялық «Бохумға» ауысты.

2026 жылдың қыркүйегінде Беро неміс Бундеслигасынан «Ференцварошқа» еркін агент құқығында ауысып келген болатын. Бүгінгі таңда футболшының трансферлік құны 1 миллион еуроға бағаланып отыр.

Еске сала кетейік, Словакия мен Қазақстан құрамалары арасындағы УЕФА Ұлттар лигасының матчы 29 қыркүйекте Кошице қаласында өтеді.

«Словакияның жеңісін күтемін»: «Қайсар» қақпашысы – Қазақстанға қарсы ойын жайлы