Стас Покатилов Адиевтің тұсында ұлттық құрамаға шақырылмау себебін айтты

Қазақстан құрамасының қақпашысы Стас Покатилов YouTube-тегі BorodAbata арнасына берген сұхбатында Магомед Адиев бас бапкер болған кезде ұлттық құрамаға неліктен шақырылмай қалғанын түсіндіріп берді.

«Магомед Мұсаұлымен (Адиев) ашық сөйлестік. Мен оған оқу жаттығу-жиынының алдында қоңырау шалып, өз көзқарасымды түсіндірдім, ол өз ойын білдірді. Мен бірден: «Шацкий қандай формада болса да, негізгі құрамда ойнай ма?» деп ашық сұрадым. Ол «иә» деп жауап берді. «Егер сіз маған сенбесеңіз, ұлттық құрамаға келуімнің қандай мән-мағынасы бар? Бапкер сіз болсаңыз да, басқа біреу жаттықтырса да, мен командаға көмектесуге дайынмын. Ұлттық құрамаға шақырғанда кеудемді қуаныш сезімі кернейді. Бірақ команданың маған мұқтаж болғанын қалаймын. Ал Адиевтің тұсында бұлай болмағанын байқадым».

Магомед Мұсаұлы жас кезінде мен сияқты болғанын, мұндай жағдайларға сабырлы түрде әрекет ете алмағанын айтты. Оның бұл сөзін түзеттім, өйткені мен спорттық тұрғыда бәсекелесімнен әлсіз екенімді түсінсем, сабырлы бола аламын. Бұл жағдайды басқаша қалай бағалайтынымды білмеймін. Келіп, Шацкийдің жаттығуына көмектесейін бе? Мұны істей алатын басқа да жас қақпашылар бар», - деді Покатилов.

Магомед Адиев Қазақстан құрамасын 2022-2024 жылдар аралығында жаттықтырды. Ал Стас Покатилов Мұсаұлы отставкаға кеткеннен кейін ұлттық құрамаға оралды – 2024 жылдың қыркүйегінде және оралғаннан кейінгі алғашқы ойынын қарашада Австрияға қарсы өткізді (0:2).