Канчельскис – Қазақстан құрамасы туралы: Азияға қайту жақсылыққа апармайды

«Манчестер Юнайтедтің» экс-ойыншысы және «Тобылдың» бұрынғы директоры Андрей Канчельскис BorodAbata.kz тілшісі Әлім Динасыловқа берген сұхбатында Қазақстанның Азия футбол конфедерациясына (АФК) қайта оралу идеясына қатысты пікір білдірді.

«Неге қазір Қазақстан бір жағадан екіншісіне ауысу керек? Еуропаны таңдаған болсаң, сонда ойнап, жоғарыға қарай талпыну керек. Өйткені Адиев ұлттық құраманың бас бапкері болып тұрғанда Еуропада тәп-тәуір мүмкіндіктерің болды. Әрі қарай даму керек. Азияға қайту жақсылыққа апармайды. Еуропа - Еуропа, мұндағы деңгей Азия құрамаларынан жоғары. Қазақстанда футболды дамытуға барлық жағдай бар, тек әлем чемпионатына шығу үшін бағдарлама жасап, соны жүзеге асыруға тырысу қажет», – деді Канчельскис.

Қазақстан 2002 жылы УЕФА-ға мүше болып қабылданды.

Бұған дейін Өзбекстан құрамасы Орталық Азия елдері арасында бірінші болып әлем чемпионатына жолдама алған болатын.