Жуков – қазақ тілі туралы: «Қайрат» пен «Астанада» бәрі қазақша сөйлесе, тез үйренер едім

Қазақстан құрамасының және польшалық «Пуща» клубының жартылай қорғаушысы Георгий Жуков BorodAbata.kz сайтына берген сұхбатында полиглот екенін айтты.

«Мен Польшада үш жылдан бері тұрамын. Екі жарым жылды «Висла» клубында өткіздім, ал «Пущада» жүргеніме алты ай болды. Қытайға барғанда, поляк тілінде бұдан да жақсырақ сөйлей бастадым - ол жерде жалғыз болғандықтан, поляк тілінде ойлай бастадым. Мен сонымен қатар қарапайым қытай тілінде сөйлеймін және күнделікті өмірде бұл тілден қиналмаймын. Фламанд, орыс, ағылшын, француз және поляк тілдерінде сөйлей аламын. Испан және қытай тілдерін түсінемін. Қытайда жүрсем, адаспайтыным анық.

Қазақшаны да түсінемін – Қытайда ойнағанымда бұл тілді дамыта бастадым, өйткені ол жерде этникалық ұйғырлар көп тұрады. Тілдері ұқсас, мен әріптестерімнің ұйғырша сөйлегенін естігенде, миымда тізбек пайда болады. Егер «Астана» мен «Қайратта» бәрі үнемі қазақша сөйлесе, мен бұл тілді әлдеқайда тез меңгерер едім», - деді Жуков.

Еске салайық, Жуков кезінде «Астана» мен «Қайрат» сапында ойнаған.