Георгий Жуков: «Астана» маған ұлттық құрамада ойнау үшін ақша ұсынды

Қазақстан ұлттық құрамасының және польшалық «Пуща» клубының жартылай қорғаушысы Георгий Жуков BorodAbata.kz сайтына берген сұхбатында бір кездері ұлттық құрамада ойнағаны үшін ақшалай өтемақы алу туралы ұсыныс түскенін айтты.

«Астана» маған ұлттық құрамада ойнау үшін ақша ұсынды. Алайда мен оны алған жоқпын. Сома жаман болған жоқ, бірақ көріп тұрғаныңыздай, мен ұлттық құрамада ақша үшін ойнамаймын. Сондықтан да бұл сомадан бас тарттым – бірақ сонда да ұлттық құрамада ойнап жүрмін. Бұл туралы бұрын ашық айтқан емеспін, бірақ сіз сұрағандықтан айтып бердім: иә, бұл рас, қазір ұлттық құрамада тегін ойнаймын», – деді Жуков.

Георгий Жуков «Астана» сапында 2014-2015 жылдар аралығында өнер көрсетті. Соңғы кездері Польшаның «Пуща» клубында ойнап, үш жылдық үзілістен кейін Қазақстан құрамасына қайта оралды.