Станислав Черчесов: қазақстандық футболшылар мықты чемпионаттарда ойнауға тырысуы керек

Қазақстан құрамасының бұрынғы бапкері Станислав Черчесов ASnews.kz сайтына берген сұхбатында еуропалық клубтардың қазақстандық футболшыларға деген қызығушылығы туралы пікір білдірді.

«Әрине, қазақстандық футболшылар бәсекеге қабілетті лигада ойнауға тырысуы керек. Еуропаның мықты чемпионаттарында доп тебетін ойыншылардың дайындығы да мықты болады. Австрия, Словения және Грузия құрамаларына қараңыз. Олардың барлық ойыншылары шетелде өнер көрсетеді.

Дегенмен, 2018 жылғы әлем чемпионатында Ресей құрамасында тек екі ойыншы ғана шетелде ойнады: Габулов пен Черышев. Олар бәріміз күткендей жақсы өнер көрсетті, дегенмен басқа футболшылар Ресей чемпионатында ойнады. Кезінде мен және ұлттық құрамадағы әріптестерім ең күшті лигаларда ойнадық. Өкінішке орай, біз әлем немесе Еуропа чемпионы атана алмадық.

Ойыншылардың шетелге кетуі бір жағынан, жақсы үрдіс, бірақ екінші жағынан, ұлттық құрама дұрыс көзқарас қалыптастыруы керек және ойыншының Еуропада немесе Қазақстанда ойнап жатқанына мән бермеуі керек», – деді ресейлік маман.

Өткен жылы Қазақстан құрамасы Черчесовтың жетекшілігімен Ұлттар лигасында бақ сынады, бірақ команда бірде-бір гол соға алмады.