Жуков – ұлттық құрамаға оралуы жайлы: 100 пайызға дайын болмадым

Қазақстан құрамасы мен польшалық «Пуща» командасының жартылай қорғаушысы Георгий Жуков BorodAbata.kz сайтына берген сұхбатында үш жылдық үзілістен кейін Қазақстан құрамасына қайта оралғаны жайлы айтып берді.

«Наурыздағы ойындарға бір ай қалғанда Әли Ханәліұлы (Әлиев) маған телефон соғып, жағдайымды, формамды және жаңа клубым туралы білгісі келіп, ұлттық құрамаға оралу мүмкіндігім бар екеніне сендірді. Мен қатты қуандым, бұл мен үшін үлкен мотивация болды, өйткені Ханәліұлы маған сенім артатынын айтты.

Маған берілген ойын уақыты? Мұның бәрі әділ деп санаймын, өйткені жаттықтырушы мені ең жақсы формада болады деп күтті. Алайда олар күткендей дайын болмадым. Қытайдан кейінгі демалысым үш айға созылды. Физикалық және эмоционалдық тұрғыдан қатты шаршадым. Ол кезде менде жұмыс істейтіндей мотивация да болмады. Дегенмен, Ханәліұлы телефон соққан соң тез арада клуб тауып, жаттығуға кірістім. Мүмкіндігінше ойнадым. Бұдан да жақсы ойнай алатынымды білемін. Тек мұны халыққа көрсету керек», - деді Жуков.

Үш жылдық үзілістен кейін Георгий Жуков Қазақстан құрамасына 2026 жылғы әлем чемпионатының іріктеу кезеңі басталар тұста оралды – ол 2022 жылдың наурыз айынан бері ұлттық құрамаға шақыртылмаған болатын. Наурызда ол Уэльс (1:3) және Лихтенштейн (0:2) құрамаларына қарсы ойнады, сондай-ақ Беларусь құрамасымен болған (1:4) жолдастық кездесуге қатысты.