Қытайдағы қазақ қақпашысы: Қазақстан құрамасынан ешкім хабарласқан жоқ

Түп-тамыры қазақ саналатын қытайлық қақпашы Ержет Ерзат ASnews.kz сайтына берген сұхбатында Қазақстан құрамасында ойнау мүмкіндігі туралы айтты.

«Шынымды айтсам, федерациядан ешкім хабарласқан жоқ. Мен қазіргі уақытта Қытай чемпионатында ойнаймын, оған дейін Еуропада бағымды сынап көрдім. Қазақстанға бірнеше рет бардым: алдымен халықаралық жастар турниріне, содан кейін «Астана» клубына жаттығуға бардым. Шынымды айтсам, клубта қалып, барымды салғым келді. Менің трансферім маған қатысы жоқ жағдайларға байланысты сәтсіз аяқталды.

Уақытым болған кезде мен Қазақстан футболын бақылаймын және кейбір ойыншыларды танимын. Мен Қытайдың 23 жасқа дейінгі құрамасында ойнадым. Онда 20 мен 23 жас аралығындағы ең үздік қытайлық футболшылар өнер көрсетті. Мен әрқашан Қытай құрамасында ойнауды армандадым», – деді 32 жастағы қақпашы.

Ержет Ерзат қазіргі уақытта Қытайдың екінші лигасында «HB Istar» командасында ойнайды. Бұған дейін ол Суперлига мен Бірінші дивизиондағы клубтарда доп тепкен. Сондай-ақ португалиялық «Пасуш Феррейра», «Лейшоэш», «Салгейруш» және «Гондомар» командаларында өнер көрсетті. Қытайдың әртүрлі жастағы құрамаларында 11 матч өткізген.