Еуропада жарқырап жүрген қазақстандық футболшы: Түркия мен Бельгияның ұсынысынан бас тартты

2026 жылы Қазақстан U-17 құрамасы Еуропа чемпионатына жолдама алу үшін бақтарын сынап көреді. Осы жылы өткен циклда Бауыржан Сағындықтың командасы өз тобында бірінші орынға ие болып, элиталық іріктеу кезеңінде ең күшті командалармен ойнауға мүмкіндік алды.

Аталмыш команданы «Генкте» (Бельгия) доп теуіп жүрген шабуылшы Шахмұрат Дәулетов күшейтуі мүмкін. Жас футболшы қазір нағыз қызған шағында тұр: соңғы апталарда Алматы облысының тумасы «Фортуна U-21» және «Люксембург U-18» командаларына қарсы ойында үш нәтижелі әрекетпен көзге түсті. Онымен өткен жазда «Интер» клубы байланысқа шыққан екен.

ASnews.kz сайтына берген сұхбатында футболшының әкесі Садыржан Дәулетов Шахмұраттың неге әлі ұлттық құрамада дебют жасамағанын түсіндірді.

«Құжат мәселесі шешілмей тұр»

«Шахмұрат кез-келген жағдайда Қазақстанның атынан шығады – Түркия мен Бельгияның атынан ойнау нұсқасы мүлдем қарастырылмайды. Себебі бізде Қазақстан азаматтығынан басқа азаматтық жоқ. Қазіргі уақытта менің ұлым ұлттық құрамада ойнамайды, себебі ол Бельгияда тұруға рұқсат алу үшін тұрақты тіркеу процесінен өтіп жатыр.

Бұл неге маңызды дейсіз бе? Осылайша, ол Еуропада еркін ойнауға мүмкіндік алады. Менің ең кенже балам Сұлтанды да солай жасаймыз. Жалғыз нұсқа осы: құжаттарсыз ештеңе жасай алмаймыз», - деп түсіндірді Дәулетов.

Факт: 2024 жылдың соңында Түркияның U16 құрамасының бапкері Сельчук Эрдоған шабуылшыны командасына қосқысы келген, бірақ Шахмұрат бұл нұсқадан бас тартты. Дәулетовтер бұрын Анталияда тұрған.

«Отаным – Қазақстан»

«Бізге Бельгия төлқұжатының қажеті жоқ, өйткені отбасыммен бірге болашақта Қазақстанға оралуды жоспарлап отырмыз. Отанымыздан артық не болуы мүмкін? Оның түп-тегі ұйғыр деген әңгімеге келетін болсақ, мұнда ешқандай мәселе жоқ: Шахмұрат – қазақ және ол өзі де еуропалықтармен сөйлескен кезде осыны айтады. Ұлт мәселесі маңызды емес».

«Қазақстан U17 құрамасы элиталық іріктеу кезеңіне (Еуро-2026 үшін) жолдама алған күні бас бапкер Бауыржан Сағындық қоңырау шалып: «Мен оны командадан көріп тұрмын. Ұлттық құрамаға қосылу мүмкіндігі пайда болған кезде маған хабарласыңыз», – деді. Шахмұрат ақпан айында Беларусьте өтетін турнирге қатысады күтілуде, сондықтан Құдай қаласа, құжаттар сол кезге дейін дайын болады деп үміттенейік.

«Ол ұлттық құрамаға шақыртылуға міндетті» деген пікірмен келіспеймін. Егер лайық болса, шақыртылады. Бұл ұлым екеуміз үшін үлкен құрмет болар еді, бірақ оның «Генкке» келгені ұлттық құрамада негізгі құрамда ойнайды дегенді білдірмейді. Шахмұрат федерация мен бапкерлердің сенім артуы үшін қолдан келгеннің бәрін жасап жатыр», - деп атап өтті ойыншының әкесі.