Қашкен – ҚПЛ мен ұлттық құрама деңгейі жайлы: айырмашылық жер мен көктей

Талдықорғандық «Жетісу» қорғаушысы Дінмұхаммед Қашкен ASnews.kz сайтына берген сұхбатында клубтық футбол мен ұлттық құрама деңгейін салыстырды.

«Менің ойымша, баспен жақсы ойнаймын, алғашқы пасым да жаман емес. Біздің Қазақстанның алаңдарында қысқа паспен ойнау қиын, сондықтан бірден шабуылшыны іздейміз. Ойыншылардың деңгейі жетпей жатады, дұрыс ашыла алмайды.

Өткенде ұлттық құрама мен клуб арасындағы деңгейдің жер мен көктей екенін байқадым. Ол жақта футболшылар ашыла біледі, жылдам ойнайды. Деңгейі бөлек», – деді футболшы.

Өткен маусымда Қашкен «Ұлытау» мен «Жетісу» сапында ойнап, 14 матчта 1 гол соқты. Қазан айында ұлттық құрамаға шақырту алғанымен, Лихтенштейн (4:0) және Солтүстік Македониямен (1:1) болған матчтарға қатыспады.