Ресейлік сарапшы – Бельгиямен болған ойын жайлы: Анарбеков өз жұмысын жақсы атқарды

Ресейлік сарапшы және Okko Sport спикері Артем Прожога ASnews.kz сайтына берген сұхбатында Қазақстан мен Бельгия арасындағы тең ойын (1:1) туралы пікір білдірді.

«Мен Анарбековтың ойынын мақтағым келеді – ол шынымен де керемет тұрды. Бұл Бельгияның жеңіске жете алмауының басты себептерінің бірі. Бельгия шабуылшыларынан айырмашылығы – Темірлан өз жұмысын жақсы атқарды және гоо жіберген сәтте ештеңе істеу мүмкін болмады. Қақпашыға айтар шағымым жоқ.

«Олардың жеңіске жету үшін голдары жеткіліксіз болды» деген әйгілі сөз тіркесі миллиард рет қолданылғанын түсінемін, бірақ бүгін де дәл осы жағдай орын алды. Бельгиялықтар үш ұпай алуы керек еді, бірақ бүгін көрмеген голдар бірінші ойында соғылып қойған сияқты. Сол кезде 6:0 есебі тым ауыр болды, сондықтан да олар кеше гол соға алмай қалды. Маған аутсайдерлердің фавориттерді тоқтатқаны ұнайды», – деді Бельгия футболын жақсы білетін сарапшы.

Дастан Сәтпаевтың голының арқасында Қазақстан құрамасы 2026 жылғы әлем чемпионатының іріктеу кезеңінде Бельгиямен тең ойнады. Олар сегіз ай бойы жеңілістің не екенін білмей, J тобында көш бастап тұр. Команданың құны 463 миллион еуроға бағалануда.