Байсуфинов – Бельгиямен болатын ойын жайлы: тек жеңіс үшін ойнаймыз

Қазақстан құрамасы бас бапкерінің міндетін атқарушы Талғат Байсуфинов ASnews.kz сайтына берген сұхбатында Бельгияға қарсы ойын туралы пікірімен бөлісті.

«Біз тек жоғары мақсаттар мен жеңіс үшін ойнаймыз. Мұны жігіттерге үнемі қайталап отырамын және дәл осы мақсат үшін дайындалып жатырмыз. Қарсылас күшті, өзіндік футбол стилі бар, бірақ сайып келгенде, олар біздің қалай мүмкіндік бергенімізге байланысты өнер көрсетеді. Бельгияны Македонияға қарсы соңғы ойынымыз таң қалдырған болар, бірақ олар бізді зерттеп алған да шығар.

Бельгияның бізге өз футболымызды қалай ойнауға қаншалықты мүмкіндік беретіні қызық болып тұр. Біз жігіттерді тек оң нәтижеге ынталандырамыз. Негізгі мақсат – тұрақтылық пен тәртіп. Қазіргі уақытта жігіттер жақсы өнер көрсетіп жатыр: күресуге, комбинация жасап, гол соғуға деген ынтасы көрініп тұр. Бұл жанкүйерлер үшін де, ойыншылардың өздері үшін де жақсы. Біз жеңіс үшін ойнаймыз, бірақ тәртіп арқылы тұрақтылықты сақтау маңызды», – деді Байсуфинов.

Бельгияға қарсы матч 15 қарашада Астанада өтеді.