Сергей Малый: Чемпионат пен стадиондарды жақсартпасақ, алға жылжымаймыз

Қазақстан құрамасының қорғаушысы Сергей Малый Солтүстік Македонияға қарсы ойынды қорытындылады, деп хабарлайды BorodAbata.kz.

– Жалпы, деңгейі жағынан бүгінгі қарсылас бізден басым болды ма? Әлде бұл тең ойын болды ма?

– Меніңше, оларды аздап... ұйымшыл деп айтуға болады. Команданың тәжірибесі көбірек – олар Еуропа чемпионатында өнер көрсетті. Бұл олардың өздеріне деген сенімділігін арттырады.

Біз дұрыс бағытта келе жатырмыз деп айта аламын. Ұлттар Лигасын жеңіп алдық – содан кейін футболды дамыту үшін алға қарай қадам жасалып, үлкен серпіліс болуы керек еді.

Бірақ, шын мәнінде, ештеңе болмады. Сол себепті де нәтижелер аздап төмендеді деп ойлаймын. Даму керек, инфрақұрылымға инвестиция салып, чемпионат деңгейін көтеру қажету. Сонда ұлттық құраманың да деңгейі көтеріледі. Инфрақұрылымсыз алға қарай жүре алмаймыз.

2026 жылғы әлем чемпионатына іріктеу кезеңінің үшінші тур ойынында Қазақстан құрамасы Солтүстік Македониядан 0:1 есебімен ұтылды.