Еркін Тапалов – ұлттық құрама жайлы: ойнауға дайын болдым, бірақ шақырмады

«Қайрат» қорғаушысы Еркін Тапалов соңғы матчтарда Қазақстан құрамасына көмектесе алмау себебін түсіндірді, деп хабарлайды ASnews.kz.

«Құрама ойындары кезінде мен жарақат алған едім. Қазір бәрі жақсы, бірақ сол уақытта тіземде жарықшақ болған. Ұлттық құраманың бапкерлік және медициналық штабы бұл жағдайдан толық хабардар болды, сондықтан мені қыркүйек айындағы матчтарға шақырмады.

Ал неге соңғы ойындарға шақыртылмағанымды құраманың бапкерлер штабынан сұрау керек. Мен ол кездк өзімді жақсы сезіндім және командаға көмектескім келді», – деді Тапалов.

26 қазан күні «Қайрат» «Астананы» қабылдап, сол матчта Қазақстан чемпионы анықталады.