Сергей Ташуев – Самородовқа: Өзіңді қолға ал, жігітім

Грозныйлық «Ахматтың» бұрынғы бас бапкері Сергей Ташуев Максим Самодовтың маусымның соңғы бөлігіндегі ойыны туралы пікірімен бөлісіп, қазақстандық футболшыға бірнеше кеңес берді.

«Жанкүйерлер команданың жеңіске жеткенін қалайды. «Уралмен» болған плей-офф матчында жігіттер де, мен де Самородовқа: «Тек допты жоғалтып алма!» дедім, бірақ ол алаңға еш уайымсыз шықты. Доптан айырылу, үш бұрыштама, пенальти, осылайша, біз жеңіліп қалдық. Мұндай жағдайлар бір емес, бірнеше рет қайталанды. Мен оған: «Сенің ойыңда қандай да бір қара дақ бар» дедім.

Мен Макстың бұл сұхбатымды оқитынын түсінемін, сондықтан менің оған айтар кеңесім: өзіңді қолға ал, жігітім, әйтпесе болашағың жарқын болмайды. Оның бойында керемет қасиеттер бар: талантты, қабілетті, бірақ байсалды, біртұтас ойыншыға айналу керек. Еңбекқор бол. Біз ПСЖ-ны мысал ретінде айта аламыз. Неймар – Месси – Мбаппе триосы болған кезде олар айтарлықтай ештеңе ұтпады, ал қазір оларда барлық футболшы ойнап жатыр. Оның ішінде тәжірибелі Ашраф Хакими мен Витинья да бар, нәтижесінде Чемпиондар лигасын жеңіп алды.

Жас футболшылар өздінен бөлек, команданы да сүю керек екенін білсін. Бапкердің айтқанын орындау – заң. Бірде қазір жаттықтырушы болып жұмыс істеп жүрген ресейлік жұлдыздардың бірі Олег Иванович Романцевтен: «Испанияда қалай ойнауыма болады?» деп сұрады. Ол айтарлықтай ештеңе жоқ деп жауап берді. Қозғалу керек пе – қозғал, жүгіру керек пе – жүгір! Осылайша, ойнап кетесің. Бүгінде ол жергілікті футболдың тамаша маманы», - деді Ташуев BorodAbata.kz сайтына берген сұхбатында.

Өткен маусымда Самородов 8 гол соғып, 4 нәтижелі пас берді. Нәтижесінде, «Ахмат» плей-офф кезеңінде «Уралды» жеңіп (3:2) РПЛ-да қалды.