Матч орталығы
Қазақстан құрамасының шабуылшысы ауыр жарақаттан аман қалды
18 қараша, 15:10

Фото: Рамазан Кәрімов
Қазақстан ұлттық құрамасы мен елордалық «Астананың» форварды Рамазан Кәрімов 2026 жылғы Қазақстан премьер-лигасының соңғы турындағы оқиғадан кейін ауыр жарақат алмаған екен, деп хабарлайды ASnews.kz.
«Жетісу» мен «Астана» арасындағы матчта (2:2) талдықорғандық клубтың қорғаушысы Дінмұхаммед Қашкен Кәрімовқа қарсы өрескел ойнап, тікелей қызыл қағаз алған болатын. Осы жарақаттың кесірінен 27 жастағы шабуылшы Қазақстан құрамасының қараша айындағы Ұлттар лигасындағы Молдова (1:2) және Словакияға (2:2) қарсы өткен матчтарын өткізіп алуға мәжбүр болды.
Белгілі болғандай, шабуылшы тек шағын жарақат алған. Ол жақын арада жаңа маусымға толыққанды дайындықты бастайды.
Қазақстан чемпионатының өткен маусымында Кәрімов 29 матч өткізіп, алты гол соқты және бес нәтижелі пас берді, сондай-ақ «Астана» сапында қола медаль еншіледі. Қыркүйек айында шабуылшы Қазақстан құрамасы сапында Ұлттар лигасының үш матчына қатысып, екінші турда Словакия қақпасына гол соққан еді (1:2).
Әлім Динасылов