Матч орталығы
«Қайраттың» португалиялық легионері клубтағы болашағы туралы мәлімдеме жасады
16 қараша, 14:49

Фото: Луиш Мата
Алматылық «Қайраттың» португалиялық қорғаушысы Луиш Мата клубтың баспасөз қызметіне берген сұхбатында команда сапында өткізген екі маусымын қорытындылап, жанкүйерлерге алғыс айтты, деп хабарлайды ASnews.kz.
«Сәлем, «Қайрат» жанкүйерлері! Сіздерге осы екі жыл үшін алғысымды айтқым келеді. Бұл керемет болды, сіздер маған осында соншама махаббат пен қолдау көрсетіңіздер. Біз үлкен табыстарға қол жеткіздік: өткен жылы чемпион атандық, Чемпиондар лигасына жолдама алдық, ал биыл – Конференция лигасына шықтық. Осы екі жыл ішінде Алматы мен үшін екінші үйге айналды, сондықтан сіздерге үлкен алғыс айтамын», – деді футболшы.
Жанкүйерлер үшін басты жаңалық ойыншының қазақстандық клубтағы мансабын жалғастыратыны туралы мәлімдемесі болды:
«Білесіздер ме? Сіздер мені келесі жылы да көресіздер, өйткені мен сіздермен бірге қаламын, жігіттер. Мен өте бақыттымын, алдағы матчтарда қолдау көрсетесіздер деп үміттенемін, жаңа маусымда кездескенше!»
Луиш Мата «Қайратта» 2025 жылдан бері өнер көрсетіп келеді. Португалиялық легионер алматылық клуб сапында 79 матч өткізіп, үш гол соқты және тоғыз нәтижелі пастың авторы атанды. 2025 жылы Мата «сары-қаралар» сапында Қазақстан чемпионы атанып, 2025/26 жылғы маусымда Чемпиондар лигасының жалпы кезеңінде өнер көрсетті.
Әлім Динасылов