Матч орталығы
Айбол Әбікеннің «Қайратқа» соққан голы ҚПЛ-2026 маусымындағы үздік деп танылды
16 қараша, 11:53

Фото: Айбол Әбікен
Петропавлдық «Қызылжардың» жартылай қорғаушысы Айбол Әбікен 2026 жылғы премьер-лига маусымындағы ең үздік гол номинациясының иегері атанды, деп хабарлайды ASnews.kz.
20-турда алматылық «Қайратқа» қарсы өткен кездесуде алыстан әсерлі соққы жасаған жартылай қорғаушы бұл голды сол кездегі командасы – қызылордалық «Қайсар» сапында соққан болатын. Бұл маусымның ең әдемі голы деп танылды.
Аяқталған Қазақстан премьер-лигасы маусымында хавбек 20 матчқа қатысып, өз еншісіне төрт гол мен бір нәтижелі пас жазды. Еске сала кетейік, маусымды «Қайсар» сапында бастаған ойыншы жазда «Қызылжарға» ауысып, петропавлдық клубпен бірге чемпионатты 33 ұпаймен 10-орында аяқтады.
Халықаралық аренада «Қайрат» академиясының түлегі Қазақстан ұлттық құрамасының намысын қорғайды. Ол бас команда сапында 2019 жылдың қыркүйегінде дебют жасап, бүгінгі күнге дейін 19 матч өткізді және 1 голдың авторы атанды.
Ахмет Ержанов