Беларусьтік экс-футболшы – «Тобыл» шабуылшысы жайлы: жас кезінде жақсы бапкердің қолына түскенде, керемет болар еді

Беларусь құрамасының бұрынғы шабуылшысы Петр Качуро «Тобыл» клубында өнер көрсететін Виталий Лисакович туралы ойымен бөлісті, деп хабарлайды ASnews.kz Bel.football порталына сілтеме жасап.

Лисакович жарақатына байланысты Беларусь құрамасының қараша айындағы ойындарына қатыспайды.

«Мен сұхбаттарымда бұл жігіт туралы жиі айтатынмын. Оның бойында туа біткен талант бар. Бірақ Виталий өзіне бір сұрақ қоюы керек: кәсіби футболшы ретінде қалыптасып, өсіп-даму үшін не істедің?

Лисаковичтер әулетіндегі ағайынды жігіттердің өмір жолы оңай болмағанын білемін. Әрине, олар жас кезінде жақсы бапкердің қолына түссе, керемет болар еді. Ешкімнің көңіліне қаяу салғым келмейді, бірақ солай болғанда, олардың мансабы мүлдем басқаша өрбіп, әлдеқайда үлкен жетістіктерге жетер еді деп ойлаймын.

Бұл сұрақты үш ағайындының бәрі өзіне қоюы керек. Негізі, мұндай сауал кез келген кәсіби спортшыны, жалпы әрбір адамды толғандыруы тиіс», – деді Качуро.

Виталийдің өзінен кейін Дмитрий және Руслан деген інілері бар. Үшеуі де жастайынан футболды бірге бастаған. Дмитрий Лисакович 2024 жылы Қазақстанға келіп, Қарағандының «Шахтерінде» ойнап кетті. Қазір «Днепр Могилев» сапында доп теуіп жүр. Ал Руслан Лисакович биыл «Неман» клубында өнер көрсеткен.

2026 жылы Виталий Лисакович «Тобол» сапында 10 матч өткізіп, 5 гол соқты, 2 нәтижелі пас берді.