Азат Нұрғалиев «Ордабасының» жаңа спорттық директоры атануы мүмкін

Қазақстан құрамасының бұрынғы капитаны әрі «Академия Оңтүстіктің» бас бапкері Азат Нұрғалиев шымкенттік «Ордабасының» спорттық директоры қызметіне тағайындалуға жақын, деп хабарлайды ASnews.kz.

Қайрат Әшірбеков команда құрылымында басқа қызметке ауысады немесе клубтан мүлдем кетеді деп күтілуде.

Өткен маусымда Нұрғалиевтың жетекшілігімен «Оңтүстік» академиясы сапалы футбол көрсетіп, бірінші лига көшбасшыларына лайықты қарсылық таныта білді.

Еске сала кетейік, футболшы ретінде Нұрғалиев өзінің туған командасы «Ордабасыдан» бөлек, «Тобыл», «Жетісу», «Сұңқар» және «Астана» сапында өнер көрсеткен. Ұлттық құрама жейдесінде ол 44 матч өткізіп, үш гол соқты және екі нәтижелі пас берді.

Карел Герартс деген кім: өмірбаяны, «Юнион», «Шальке» және оған «Ордабасы» неліктен қызығушылық танытып отыр?