«Ақтөбе» Латурнустан бас тартуы мүмкін еді

«Ақтөбе» мен Қазақстан жасөспірімдер құрамасының (U-19) шабуылшысы Виталий Латурнус өткен маусымаралық үзілісте командадан кетуі мүмкін еді, деп хабарлайды ASnews.kz.

Olimpbet Arena ақпаратына сүйенсек, чемпионат басталар алдында клуб басшылығы 18 жастағы шабуылшыға жалға беру нұсқаларын белсенді түрде іздеген, өйткені ол сол кездегі бас бапкер Николай Костовтың жоспарына кірмеген.

Ықтимал бағыттардың бірі ретінде көкшетаулық «Оқжетпес» қаралды, алайда тараптар келісімшартқа отырмады. Оған қоса, ақтөбеліктердің бұрынғы скауты Шаинью қазақстандықтың кандидатурасын португалиялық «Портуға» ұсынып, еуропалық клуб басшыларының бірімен байланысқан, бірақ бұл ауысым да жүзеге аспады.

«Ақтөбеде» қалған Латурнус өз мүмкіндігін пайдаланды. Биылғы маусымда ол негізгі құрам сапында толық емес 16 матч өткізіп, төрт гол соқты және екі нәтижелі пас берді.

Жас шабуылшының сәтті кезеңі халықаралық нарықтың назарын аударды. Латурнуспен ынтымақтастық орнатуға ресейлік танымал агент Герман Ткаченко қызығушылық танытып отырғаны хабарланды. Еске сала кетейік, Ткаченко ағылшындық «Бернлидің» қазақстандық шабуылшысы Дастан Сәтпаевтың, сондай-ақ Өзбекстан құрамасының көшбасшылары Аббосбек Файзуллаев пен Эльдор Шомуродовтың мүддесін қорғайды.