Бақтиер Зайнутдинов «Ордабасының» қызығушылығы туралы білмейді: толығырақ

Қазақстан ұлттық құрамасы мен мәскеулік «Динамоның» жартылай қорғаушысы Бақтиер Зайнутдинов мансабын Ресей чемпионатында жалғастыруға ниетті, деп хабарлайды ASnews.kz.

Футболшы ұзақ емделу мен оңалтудан кейін алаңға оралуға жақын қалды. Тараз тумасы бәсекелестігі жоғары ортада ойнауды жалғастырғысы келеді.

Зайнутдинов «Ордабасы» тарапынан өзіне деген қызығушылық туралы ештеңе білмейді. Бұған дейін БАҚ-та ойыншының шымкенттік клубқа ауысуы мүмкін екені жайлы ақпарат тараған болатын.

Бақтиер Зайнутдинов – Қазақстан құрамасы тарихындағы ең үздік сұрмерген: ұлттық құрама сапында өткізген 44 матчта ол 15 гол соғып, бір нәтижелі пас берген.

2025 жылдың жазында жартылай қорғаушы түркиялық «Бешикташтан» мәскеулік «Динамоға» 2,5 млн еуроға ауысты. Бұған дейін ол мәскеулік ЦСКА, «Ростов», «Астана» және туған клубы «Тараздың» намысын қорғаған. Өз мансабында Зайнутдинов Қазақстан чемпионы (2018), Ресей кубогының (2023) және Түркия кубогының (2024) иегері атанды.

Ал «Ордабасыға» келетін болсақ, қазіргі уақытта шымкенттік клуб ҚПЛ турнир кестесінде сенімді түрде көш бастап келеді. 27-турдан кейін команда 61 ұпай жинады және екінші орында орналасқан алматылық «Қайраттан» 4 ұпайға озып кетті.