Қазақстан құрамасының вингері Астанов жарақатынан кейін қатарға қосылды

Қазақстан ұлттық құрамасы мен шымкенттік «Ордабасының» вингері Эльхан Астанов жарақатынан кейін жаттығуын қайта бастады, деп хабарлайды ASnews.kz.

Жарақатына байланысты 26 жастағы футболшы Қазақстан премьер-лигасының 26-турындағы елордалық «Астанаға» қарсы орталық матчты өткізіп алуға мәжбүр болды. Бұл ойында шымкенттіктер аса маңызды жеңіске жеткен еді (1:0). Қазіргі уақытта Астанов денсаулығына байланысты өтінімнен тыс қалған қорғаушы Сергей Кейлермен бірге «Ордабасының» жалпы тобында толыққанды жаттығуға кірісті.

Шымкенттік клуб келесі матчын 17 қыркүйекте өткізеді – бұл «Түркістан Арена» стадионында өтетін «Атырауға» қарсы сырт алаңдағы кездесу болмақ.

Айта кетейік, биылғы маусымда Астанов команданың негізгі креативті ойыншыларының бірі саналады: ол барлық турнирлерде 27 матч өткізіп, өз еншісіне сегіз гол мен 10 нәтижелі пас жазды.

Еске сала кетейік, вингер Қазақстан құрамасының УЕФА Ұлттар лигасының алдағы матчтарына арналған түпкілікті тізіміне енді. С3 тобы аясында қазақстандықтар төрт кездесу өткізеді. 26 қыркүйек күні сағат 21:00-де ұлттық құрама Торсхавнда («Торсведлюр» стадионы) Фарер аралдарына қарсы сырт алаңда ойнайды, ал 29 қыркүйекте 23:45-те «Кошице» стадионында Словакиямен кездеседі. Осыдан кейін команда елге оралып, «Астана Аренада» екі ойын өткізеді: 2 қазанда сағат 19:00-де Молдованы қабылдайды, ал 6 қазанда дәл осы уақытта Фарер аралдарымен күш сынасады.

«Бұл Еуропада да бар»: блогер «Тобылды» ынталандырған «Ордабасыны» ақтап алды