«Астана» «Ордабасыға» қарсы матчта көшбасшыларын қосалқы құрамда қалдырды

Шымкенттік «Ордабасы» мен елордалық «Астана» арасындағы Қазақстан премьер-лигасының орталық матчына шығатын негізгі құрамдар тосын сый жасады. Ойыншылар тізімін спорт журналисі Эльдар Аманбаев жариялады, деп хабарлайды ASnews.kz.

«Астана» Шымкентке барлық легионерлерімен ұшып келгеніне қарамастан, елордалық клубтың бапкерлер штабы күтпеген шешім қабылдады. Команда көшбасшылары – жартылай қорғаушы Иван Башич пен вингер Марин Томасов қосалқы құрам орындығында қалды.

«Ордабасының» бастапқы құрамы:

Бекхан Шайхада (1), Сергей Малый (25), Гай Марселин Килама (3), Никола Антич (5), Сұлтанбек Астанов (22), Алекса Аманович (55), Жасұлан Әмір (15), Кристиан Капацина (16), Лео Нател (19), Давид Абагна (77), Бьорн Йонсен (28).

«Астананың» бастапқы құрамы:

Мұхаммеджан Сейсен (74), Абзал Бейсебеков (15), Карло Бартолец (2), Әлібек Қасым (6), Бранимир Калаица (3), Кипрас Кажуколовас (5), Дінмұхаммед Қараман (7), Бауыржан Исламхан (9), Ян Вороговский (11), Мақсат Абраев (47), Рамазан Кәрімов (91).

Еске сала кетейік, Шымкенттегі матч бүгін, 12 қыркүйекте Қазақстан уақытымен 19:00-де басталады.

Чемпионаттың аяқталуына алты тур қалғанда 55 ұпай жинаған «Ордабасы» турнирлік кестенің екінші сатысында орналасқан. Шымкенттіктердің көшбасшы алматылық «Қайраттан» (57 ұпай) айырмашылығы небәрі екі ұпайды құрайды. Алматылықтардың қалған ойындар күнтізбесіндегі басымдығын ескерсек, алаң иелері үшін бүгінгі «Астанаға» қарсы матч чемпиондық таласта шешуші рөл атқарады.

«Жеңетінімізге күмәндандым»: «Ордабасының» иесі – «Оқжетпеске» қарсы ойын туралы