«Жас баланың қателігін жібердік»: Нойок «Қызылжардың» «Ордабасыдан» ұтылуын бағалады

Петропавлдық «Қызылжардың» украиналық жартылай қорғаушысы Александр Нойок ASnews.kz сайтына берген сұхбатында Премьер-лиганың 24-туры аясында шымкенттік «Ордабасыдан» сырт алаңда жеңілгеніне (0:3) қатысты пікір білдірді.

«Ойынның ауыр болатынын, әрине, күттік, әрі соған дайындалдық. «Ордабасының» ойындарын қарап, олардың құрамы сапалы футболшылардан жасақталған, чемпиондыққа үміткер өте жақсы команда екенін білдік. Біздің де ұжым жаман емес, бірақ, өкінішке қарай, нәтиже біздің пайдамызға шешілмеді. Қателіктерді түзеп, алға жылжу үшін ойланатын дүниелер бар.

Үзілісте мүмкіндіктер бар екенін түсіндік – әсіресе таймның соңында жақсы сәттеріміз болды. Детальдарды түзеттік, бірақ бәрібір өзімізге тән емес, қажетсіз, тіпті жас баланың қателіктерін жібердік, нәтижесінде қақпамызға гол өткізіп алдық. Футболдың жақсы жері – жағдайды жақын арада түзеуге мүмкіндік бар. Осы қиындықтарды еңсереміз деп үміттенеміз», – деді Нойок.

«Ордабасы» Лео Натель (9'), Давид Абагна (64') және Эвертонның (76') соққан голдарының арқасында 3:0 есебімен жеңіске жетті.

24 турдан кейін шымкенттік клуб 55 ұпаймен ҚПЛ-дегі көшбасшылығын нығайтып, «Қайраттан» алшақтықты жеті ұпайға дейін арттырды (алматылықтардың қоржынында артық екі ойын бар). «Қызылжар» 23 ұпаймен турнир кестесінің ортасында келеді.