«Еурододалардағы жеңістер алыс емес»: Турлов «Шахтерды» ҚПЛ-ға оралуымен құттықтады

Freedom Holding Corporation бас атқарушы директоры Тимур Турлов қарағандылық «Шахтерды» Қазақстан премьер-лигасына мерзімінен бұрын оралуымен құттықтады, деп хабарлайды ASnews.kz.

Бизнесмен өзінің үндеуінде команданың тамаша маусым өткізіп, бастапқы үміттерден асып түскенін баса айтты:

«Сіздердің бұған шынымен де лайықты екендіктеріңізге сенемін. Алдымызда үлкен әрі жарқын болашақ күтіп тұр, қазір біз бәріміз бірге соның іргетасын қалап жатырмыз. Еурокубоктегі жеңістер де алыс емес екеніне сенімдімін. Бірақ ол үшін біз жай ғана дамып, ойнап қана қоймаймыз, жас футболшылардың тұтас буынын тәрбиелейтін керемет, үлкен футбол академиясын саламыз. Туған қаламыз бен өңірдегі инфрақұрылымды дамытып, клубтың ұзақ мерзімді тұрақтылығына инвестиция саламыз. Сіздер жарадыңыздар, үлкен жұмыс атқардыңыздар. «Шахтер» – бұл жеңіс үшін жаратылған аңызға айналған клуб екенін дәлелдейік», – деді Турлов.

«Кеншілер» элиталық дивизионға жолдаманы бірінші лига аяқталуға алты тур қалғанда иеленді. 20-турда олар «Елімайдың» фарм-клубын 3:0 есебімен ойсырата жеңді (гол авторлары – Андрей Ульшин, Нұрхан Қағазбаев және Артем Литош). 55 ұпай жинаған қарағандылықтар төртінші орыннан 22 ұпайға ұзаап кетті, ал екінші орында келе жатқан «Қайрат-Жастар» регламент бойынша класын жоғарылатуға құқылы емес.

2025 жылдың қарашасында «Шахтер» жекеменшікке өтті – клубты Freedom Holding Corp. құрылымы сатып алды. Тимур Турлов өңірдегі футболды дамытуға 18,5 млрд теңге бағыттауда: 12 млрд теңге – 2027 жылға қарай заманауи академия құрылысына (жабық манежі, жатақханасы мен медорталығы бар 10 га учаскеде), ал 6,5 млрд теңге – балалар-жасөспірімдер мен бұқаралық спортты қолдауға бөлінді.

Қарағандылық клуб екі рет Қазақстан чемпионы атанған (2011 және 2012 жылдары), сондай-ақ Еуропа лигасының топтық кезеңіне (2013/14 маусымы) жолдама алған алғашқы отандық ұжым ретінде тарихқа енді.

Кеншілер күні: «Шахтер» өндірісті аралап, ардагерлерге жейде сыйлады және үлкен іс-шара дайындап жатыр