Кеншілер күні: «Шахтер» өндірісті аралап, ардагерлерге жейде сыйлады және үлкен іс-шара дайындап жатыр

Қарағандылық «Шахтер» 30 тамыз – Кеншілер күніне орай бір аптаға созылған ауқымды мерекелік акция өткізіп жатыр, деп хабарлайды ASnews.kz.

Клуб өкілдері шахтерлер қаласының тарихы мен басты құндылықтарын ұлықтау мақсатында бірқатар маңызды іс-шараларды іске асырды:

• Мемориалға тағзым (24 тамыз): «Шахтердың» негізгі, жастар және U-18 командалары кеншілерді еске алуға арналған мемориалдық ескерткіштерге барып, гүл шоқтарын қойып, тағзым етті.

• Өндіріске сапар: Академияның U-17 командасы «Karaganda Komir» ЖШС-нің «Шығыс» орталық байыту фабрикасына (ОБФ) барып, көмірді өңдеу және байыту процесімен жақын танысты.

• Ардагерлерге құрмет (26 тамыз): Екінші лиганың 20-турындағы «Шахтер» мен «Ертіс» жастары арасындағы матчқа шахтада көп жыл еңбек еткен ардагерлер шақырылды. Негізгі құрам ойыншылары Максим Галкин мен Роман Асылбаев оларға есімі жазылған «Шахтер» клубының естелік жейделерін салтанатты түрде табыстады.

• Тақырыптық визуалдар: «Елімайға» қарсы сырт алаңдағы ойын күні клубтың барлық әлеуметтік желілеріндегі медиа-материалдары мен визуализациясы толығымен Кеншілер күні тематикасына арналды.

30 тамыздағы басты ивент:

Мерекелік апталықтың түйіні ретінде 30 тамыз күні Қарағандының орталық саябағында тұрғындар мен жанкүйерлерге арналған үлкен ивент өтеді. Ұйымдастырушылардың хабарлауынша, мерекелік бағдарлама барысында ерекше тосынсый күтілуде – «Шахтер» футболшыларының бірі сахнаға шығып, жиналған қауымға арнап ән шырқамақ.

«Шахтер» бірінші лигадағы екі маусымнан кейін мерзімінен бұрын ҚПЛ-ға оралды