Сарапшы: «Ақтөбе» әлемдік стандартқа сай логотипке лайық

Creeon дизайн-студиясының негізін қалаушы Қасымхан Жапанов ASnews.kz сайтына берген сұхбатында «Оқжетпестің» айдентикасын өзгертуіне қатысты пікір білдірді.

«Ребрендинг – табиғи үрдіс. Кез келген бренд жаңартуды талап етеді: көзқарастар мен трендтер өзгереді. Бұл жағдайда – басшылық пен команда құрамы ауысты, бұл ҚПЛ-да жиі болып тұрады, сондықтан бәрі де айдентиканы жаңартқысы келеді», – деді Жапанов.

Сонымен бірге сарапшы чемпионаттағы қай командалар үшін имиджді қайта қарау өзекті екенін айтып өтті:

«Ең алдымен «Ертістің» эмблемасын ауыстырар едім – түбегейлі емес, бірақ көбірек модернизация жасау керек. Сосын «Атырау» мен жанкүйерлердің сынына ұшыраған «Қайсар» бар. Логотип пен шрифтіні ретке келтіріп, оларды бұдан да жақсырақ етіп көрсетуге болады.

Бұл «Ақтөбеге» де қатысты. Олардың жанкүйерлері әлемдік стандарттарға сай келетін логотипке лайық деп есептеймін. Сыртқы келбетін, шрифтін, геометриясы мен құрылымын жетілдірген жөн. Басқа командалар да жаңарып жатыр, бұл қуантады», – деп қосты ол.

БАҚ ақпаратынша, жақын арада «Оқжетпес» жаңа логотипі мен түстер гаммасын таныстырады. Қазіргі эмблема 2016 жылдың ақпанында енгізілген болатын. Көкшетаулық команда ҚПЛ турнирлік кестесінде төртінші орында келеді.

Айтпақшы, 2023 жылы Creeon компаниясы Errea Sport брендімен бірлесе отырып, Қазақстан ұлттық құрамасы формасының үш жиынтығының дизайнын әзірлеген болатын.