«Чурчич Атанасовты «Қызылжарға» әдейі алмай қойған»: ойыншының «Ақтөбені» неге таңдағаны белгілі болды

Спорт журналисі Эльдар Аманбаев сербиялық бапкер Милич Чурчичтің «Қызылжардан» кетуі туралы пікір білдірді, деп хабарлайды ASnews.kz.

Милич Чурчич Сербияға кетіп қалды. Осы ретте оның бір әрекеті еске түседі. Яни Атанасов «Қызылжарға» ұсынылған болатын. «Ол – нашар ойыншы, бізге көмектеспейді деп», Чурчич оны алмай қойған, өйткені клубтан түбі кететінін білген. Отставкадан кейін жігіттерге былай айтқан: «Атанасов негізі жақсы ойыншы, бірақ мен сендерге осындай арамзалық жасадым». Осындай бапкерлер бізге керек пе?», – деді Аманбаев «Бірінші бол» подкастында.

Естеріңізге сала кетейік, Милич Чурчичтің орнына беларусьтік маман Виталий Жуковский келген болатын.

Солтүстік Македония құрамасының тіреуші жартылай қорғаушысы Яни Атанасов маусым айында «Ақтөбе» ойыншысы атанып, команда сапында үш матч өткізіп, бір голдық пас беріп үлгерді. Ойыншының нарықтық құны 600 мың еуроға бағаланып отыр.