«Сутьеска» ойыншысы: Тараз – нағыз таланттар отаны, олардың КПЛ-ға тезірек оралуын тілеймін

Черногориялық «Сутьесканың» жартылай қорғаушысы және «Тараздың» бұрынғы ойыншысы Йован Чадженович ASnews.kz тілшісіне берген сұхбатында өзінің ескі клубы туралы жылы лебізін білдіріп, қазақстандық футболшылардың әлеуетін жоғары бағалады.

«Қазір өзімнің бұрынғы клубым «Тараздың» бірінші лигада ойнап жүргенін көрдім. Өте өкінішті, олар премьер-лигаға тезірек оралады деп үміттенемін.

«Тараз» – нағыз таланттар отаны. Ол жақта әрқашан болашағынан үлкен үміт күттіретін перспективалы футболшылар көп болатын. Кезінде мен бірге ойнаған Қараман мен Сейсен қазір «Астана» сапында өнер көрсетіп жүр, сонымен қатар Таубай сияқты дарынды футболшы да болды. Жалпы, дарынды жастар өте көп. Олардың жақын арада жоғары дивизионға қайта қосылатынына сенемін», – деді черногориялық легионер.

31 жастағы черногориялық хавбек Йован Чадженович Қазақстан премьер-лигасында жақсы таныс. Ол 2020 жылы «Тараз» сапында өнер көрсетіп, команданың негізгі ойыншыларының бірі болған. Кейіннен Қазақстанда «Қайсардың» да намысын қорғады. Қазіргі уақытта ол Алматының «Қайратына» қарсы Чемпиондар лигасының іріктеу кезеңінде ойнап жатқан черногориялық «Сутьесканың» сапында өнер көрсетеді.

«Сутьеска» жартылай қорғаушысы – «Қайраттан» жеңілгені туралы: жауапты матчта мүмкіндік бар