ҚПЛ төрешісі алаяқтардың құрбаны болды: оқиғаның мән-жайы

Қазақстан премьер-лигасы матчтарында төрелік ететін рефери интернет-алаяқтарға алданып қалды, деп хабарлайды ASnews.kz.

Төрешінің мессенджердегі аккаунтын белгісіз біреулер бұзып, оның атынан таныстарынан түрлі қажеттіліктерге ақша сұраған. Мұндай хабарламалар елімізге белгілі бапкерлерге, футболшылар мен төрешінің әріптестеріне таратылған.

Мәліметтерге қарағанда, оның көптеген достары мен таныстары көрсетілген банк шотына ақша аударып үлгерген. Олардың арасында ұлттық құраманың бұрынғы бапкері, төрешілер және тағы басқалар бар.

Қазіргі таңда рефери алаяқтардың кім екенін анықтап, оларды жазалау және зардап шеккендердің қаражатын қайтару мақсатында құқық қорғау органдарына арызданды.