«Хартстың» қожайыны: Чесноков 1-2 маусымда мықты командаға кетуі мүмкін

«Хартс» клубының қожайыны әрі ESPN комментаторы Марк Дональдсон «Тобылдың» 25 жастағы вингері Ислам Чесноковпен келісімшартқа отыру туралы пікірімен бөлісті.

«Біз Исламды Шотландияда асыға күтудеміз. Жазда оның келуі үшін «Хартс» «Тобылмен» келісімге келеді деп үміттенеміз, бірақ бұл трансфер қаңтарда жүзеге асса да, біз ризамыз. Менің ойымша, оның бейімделуінде қиындықтар болмайды, өйткені біздің командада қазірдің өзінде әртүрлі ұлт өкілдері бар – барлығы бір-бірімен тіл табысып ойнауда.

Мен Чесноковтың ойын үзінділерін көп көрдім, оның жергілікті чемпионаттың стиліне сай келетініне сенімдімін. Қалай болғанда да, тәжірибелі футболшылар барын салып, бапкерді тыңдаса, жаңа турнирдің ырғағына тез бейімделеді. Тарихы тереңде жатқан жақсы қалалардың бірі Эдинбург Исламға ұнайды, мүмкіндікті пайдаланса, 1-2 маусымда мықты командаға кете алады. Соңғы жылдары «Хартс» алып-сатумен жақсы айналысуда», - деді ол ASnews.kz сайтына берген сұхбатында.

Айта кетейік, шотландиялық клуб Қазақстан құрамасының ойыншысымен трансфер туралы келісімге келген. Ол «Хартсқа» жазда немесе қаңтарда, яғни «Тобылмен» келісімшарты біткеннен кейін ауысуы мүмкін. Осы маусымда Чесноков 14 матч өткізіп, 5 гол соқты, 2 нәтижелі пас берді.