Сербия жасөспірімдер құрамасының бұрынғы ойыншысы ҚПЛ клубына келді

20 жастағы сербиялық футболшы Милан Ковачев «Каспий» клубына ауысуы мүмкін, деп хабарлайды ASnews.kz.

Ол вингер позициясында ойнайды, сонымен қатар орталық жартылай қорғаушы ретінде де өнер көрсете алады.

Қазіргі таңда балқандық ойыншы «Каспийдің» Түркиядағы оқу-жаттығу жиынында қаралымнан өтіп жатыр.

Ковачев кәсіби мансабын «Войводина» клубында бастаған, кейін Кипрдің бірнеше командасында доп тепті. Атап айтқанда, «Красава», «Арис» және «АПЕА Акротири» клубтарының намысын қорғаған. Сондай-ақ Сербияның U17, U18 және U19 құрамаларында өнер көрсеткен.