Бірінші лига клубының капитаны «Жеңіске» ауысады

Елордалық «Жеңіс» клубы қақпашы Илья Сотникпен келісімшарт жасаспақ, деп хабарлайды ASnews.kz.

Бұған дейін Қазақстан жастар құрамасына (U-21) тұрақты түрде шақыртылған 27 жастағы голкипер мансабын «Жеңісте» жалғастырады.

Илья Сотник – Екібастұз футбол мектебінің түлегі. Ол 2015–2018 жылдар аралығында жергілікті клубтың намысын қорғап, 2019 жылы павлодарлық «Ертіске» ауысты. Алайда 2020 жылы «Екібастұз» командасына қайта оралып, қазірге дейін сол жақта өнер көрсетті.

Өткен маусымда Сотник 26 матчқа қатысып, 57 гол жіберіп алды және бес ойында қақпасын голдан аман сақтады.