Қазақстан құрамасының қорғаушысы «Жеңіске» ауысады

Қазақстан құрамасының 26 жастағы қорғаушысы Сағадат Тұрсынбай елордалық «Жеңіске» ауысады, деп хабарлайды ASnews.kz.

Дереккөз мәліметінше, астаналықтардың бас бапкері Әли Әлиев қорғаушының ауысуына жеке өзі қызығушылық танытып, бұған дейін ұсыныс жасаған. Алайда Тұрсынбай бастапқыда павлодарлық «Ертіс» нұсқасын таңдаған еді.

Павлодарда басшылық пен бапкерлік штаб ауысқан соң, Тұрсынбай шешімін өзгертіп, «Жеңістің» шақыртуын қабылдады.

Футболшының трансферлік құны 100 мың еуроға бағаланады.

Тұрсынбай – шымкенттік футболдың түлегі. Бұған дейін ол «Ордабасы», «Тараз», «Ертіс», «Тобыл» және «Мақтаарал» сапында өнер көрсеткен. Шымкенттік клуб сапында қорғаушы Қазақстан Кубогының иегері атанды.

Тұрсынбай ұлттық құрама сапындағы алғашқы ойынын 2019 жылдың 21 ақпанында Молдоваға қарсы өткізді. Құрама жейдесіндегі екінші ойынын ол 2025 жылдың қарашасында Фарер аралдарына қарсы ойнады.