Бірінші лига чемпионы «Таразға» ауысады

38 жастағы қазақстандық қақпашы Андрей Пасеченко «Тараз» клубына ауысуға жақын, деп хабарлайды ASnews.kz.

Пасеченко – Алматы футбол мектебінің түлегі. Бұған дейін қақпашы «Сұңқар», «Қайрат», «Ертіс», «Жетісу», «Атырау», «Тобыл», «Тұран», «Қыран» және «Хан-Тәңірі» клубтарының намысын қорғаған.

«Каспий» сапында Пасеченко 2025 жылғы Бірінші лиганың чемпионы атанып, командасының Қазақстан Премьер-лигасына қайта оралуына үлес қосты.

Бұған дейін Қазақстан ұлттық құрамасына үміткер болған Ескендір Қыбырайдың да «Тараз» клубына ауысатыны белгілі болған еді.