«Ақтөбе» белгілі украиналық агенттің қызметінен бас тартты

Украиналық футбол агенті Вадим Шаблий қысқы трансферлік кезеңде «Ақтөбе» клубының құрамын жасақтамайтын болды, деп хабарлайды ASnews.kz.

Бұған дейін Шаблий «ақ-қызылдарға» Украинадан бірнеше бапкерді ұсынған болатын. Олардың қатарында Роман Григорчук пен Виктор Скрипник те бар. Сонымен қатар «Ақтөбенің» шорт-листінде Тарас Качараба, Артем Шабанов, Андрей Ярмоленко секілді украиналық футболшылар болды.

Клубтың жаңа басшылығы негізінен еуропалық және латынамерикалық футболшыларды қатарына қосқысы келеді.

Сондай-ақ, болгариялық бапкер Николай Костовтың «Ақтөбеде» қалу ықтималдығы жоғары болып тұр.