«Ертіс» Қазақстан жастар құрамасының ойыншысын қатарына қосады

20 жастағы жартылай қорғаушы Жансұлтан Мұхаметханов «Ертіс» клубына ауысуға жақын, деп хабарлайды ASnews.kz.

Қазақстан Премьер-лигасына жаңадан қосылған павлодарлық клубтың жаңа бас бапкері Самат Смақов футболшыға қызығушылық танытып отыр. Бұған дейін Жансұлтан Смаковтың жетекшілігімен «Жетісу» сапында 17 матчқа қатысып, 2 гол соққан.

Семей қаласының тумасы кәсіби мансабын алматылық «Жас Қыран» командасында бастаған. Ол Қазақстанның U19 құрамасында өнер көрсеткен. Өткен жылы жастар құрамасы сапында алғашқы ойынын өткізді.

Самат Смақов жақын күндері «Ертістің» жаңа бас бапкері ретінде таныстырылады. Ал бұрын «Ақтөбе» мен «Ордабасыны» жаттықтырған Александр Седнев оның көмекшісі болып бекітіледі.