Жуков – Бауыржан Джолчиев туралы: Чемпиондар лигасынан кейін мансабын аяқтағаны таң қалдырды

Қазақстан құрамасы мен польшалық «Пущаның» жартылай қорғаушысы Георгий Жуков ASnews.kz сайтына берген сұхбатында өзінің бұрынғы командаласы Бауыржан Джолчиев туралы айтты.

«Джолчиевтің жылдамдығы жоғары болды. Бойы Роналду сияқты. Техникасы мықты еді және алаңда барлығын дерлік жасай алатын. Көп адамдар оны мазақтайтын еді, бірақ ол әрқашан алаңдағы әрекетімен барлығын таң қалдыратын. Ол бәрін жақсы түсінеді және керек уақытта дұрыс шешім қабылдайды. Одан басқа не керек?

Бауыржан ойынын жалғастырса Еуропаға кетуі мүмкін еді. Мансабын аяқтаған кезде ол небәрі 25 жаста еді. Шынымды айтсам, Бауыржанның футболдан не үшін кеткенін білмеймін. Чемпиондар лигасының топтық кезеңіндегі керемет ойынынан кейін оның футболдан кетіп қала салғаны таң қалдырады (күлді), - деді Жуков.

2015 жылдың желтоқсан айында Бауыржан Джоличев жаңа клубқа ауысу үшін «Астанадан» кетеді. Бірақ сол күйі кәсіби мансабын аяқтады. Сол жылы елордалық команда Қазақстан чемпионы атанып, ел футболының тарихында тұңғыш рет Чемпиондар лигасының топтық кезеңінде өнер көрсетті.

Джолчиев кезінде Жуковпен бірге «Астананың» намысын қорғаған болатын.