«Елімайдың» бұрынғы қорғаушысы ҚПЛ-дың басқа клубына ауысуы мүмкін

«Елімай» командасының бұрынғы қорғаушысы Самюэль Одеоибо мансабын Қазақстанда жалғастырғысы келеді, деп хабарлайды ASnews.kz.

Семейлік клуб 32 жастағы нигериялықпен келісімшартты ұзартудан бас тартты. Дегенмен, ол мансабын әрі қарай да ҚПЛ-да жалғастыруы ықтимал.

Одеоибоның өкілдері бірнеше қазақстандық клубтармен келіссөз жүргізуде, сонымен қатар оған шетелдік командалар да қызығушылық танытып отыр.

Оң қапталда да ойнай алатын орталық қорғаушы «Елімайға» өткен жылдың шілдесінде қосылды. ҚПЛ-дағы 35 матчта үш гол соғып, екі нәтижелі пас берді.

Нигериялық футболшы бұған дейін Беларусьтің «Крумкачы», «Белшина» және «Торпедо-БелАЗ», сондай-ақ Литваның «Хегельманн» клубтарында ойнаған.