«Қайсар» қорғаушысы: алдағы маусымда оларға керек емес шығармын

«Қайсардың» бұрынғы қорғаушысы Карам Сұлтанов ASnews.kz сайтына берген сұхбатында Қызылорда клубынан кеткенін хабарлады.

«Қайсардан» ешкім менімен байланысқа шықпады. 2026 жылы оларға керек емес шығармын. Не болса да, мен бұл отбасымен өте жақсы маусым өткіздім. Командаға болашақта сәттілік тілеймін.

Келесі клубым туралы әзірге нақты ештеңе айта алмаймын – біз әлі талқылап жатырмыз», – деді футболшы.

Сұлтанов өткен маусымда ҚПЛ-да 23 ойын өткізіп, екі гол соқты. Ол бұған дейін «Қызылжар», «Шахтер», «Ордабасы» және Әзірбайжанның «Сумгаит» клубтарында ойнаған.

Қызылордалық ұжым Александр Мокин, Ерсұлтан Төреқұл, Марлен Айманов және Дидар Жалмұқанмен де қоштасты. Жаңадан келген басшылар командасын шетелдік ойыншылармен күшейтуді жоспарлап отыр.