«Ақтөбенің» ресейлік шабуылшысы: Қазақстан мен Өзбекстаннан нұсқалар бар

«Ақтөбе» шабуылшысы Идрис Умаев ойын уақытын тұрақты түрде алу үшін клубтан кетуі мүмкін екенін жеткізді, деп хабарлайды ASnews.kz.

«Мен «1+1» схемасы бойынша келісімшартқа қол қойдым. Маусым аяқталды, енді «Ақтөбемен» бірге шешім қабылдауымыз керек. Бірақ мен басқа клубтармен де сөйлесіп жатырмын – Қазақстан мен Өзбекстаннан нұсқалар бар. Биыл өте аз ойнағандықтан, «Ақтөбеде» қалғым келеді деп айта алмаймын», – деді Умаев Адам Ахмадовқа берген сұхбатында.

Өткен маусымда 26 жастағы ойыншы барлық турнирлерде 19 матч өткізіп, алты гол соқты. Умаев бұған дейін «Ахмат», «Химки», «Чайка» және «Шахтер» командаларында ойнаған.