«Қызылжардың» экс-футболшысы: жазда ҚПЛ клубынан ұсыныс түсті

«Қызылжардың» бұрынғы украиналық қорғаушысы Юрий Бушман ASnews.kz сайтына берген сұхбатында жазда ҚПЛ клубына ауыса алмағаны туралы айтып берді.

«Иә, мен қазір еркін агентпін. Жазғы трансферлік терезеде маған Қазақстандағы клубтан ұсыныс түсті, бірақ нақты ештеңе болған жоқ. Келіссөздер ұзаққа созылмады.

Қазіргі уақытта Франциядағы командамен бірге жаттығу жасап, физикалық дайындығымды пысықтап жүрмін. Жақсы ұсыныстар түссе, қарастырамыз», – деді Бушман.

Ойыншы сонымен қатар Қазақстанға оралуды негізгі нұсқа ретінде қарастыратынын мойындады:

«Әрине, мен қуана-қуана Қазақстанға оралар едім. Лигамен жақсы таныспын, өзімнің шамамды да жақсы білемін. Қысқы трансферлік терезеде не болатынын көреміз», – деп қорытындылады қорғаушы.

Юрий Бушман «Қызылжарға» 2021 жылы Литваның «Кауно Жальгирис» командасынан ауысып келді. Сол жылы петропавлдық клуб тарихи нәтиже тіркеді: команда ҚПЛ-да төртінші орын алып, алғаш рет еурокубок жолдамасые иеленді.

Бір жылдан кейін «Қызылжар» хорватиялық «Осиек» командасын жеңіп, Конференция лигасының үшінші іріктеу кезеңіне шығып, сенсация жасады. Бушманның клубпен келісімшарты 2024 жылдың соңында аяқталды.

35 жастағы футболшы қазақстандық командада 108 матч өткізіп, 13 гол соқты, 19 нәтижелі пас берді.