Финляндиялық бапкер – «Қайраттың» жаңа ойыншысы жайлы: оның деңгейі бұдан жоғары еді

«Шахтер» мен Қазақстан жастар құрамасының бұрынғы бас бапкері Юха Малинен ASnews.kz сайтына берген сұхбатында финляндиялық жартылай қорғаушы Яакко Оксаненнің «Қайратқа» ауысуына қатысты пікір білдірді.

«Ол U-19 және U-21 құрамаларында менің қарамағымда ойнаған. Шынымды айтсам, мен таңғалдым. Ол бұдан да жоғары деңгейде ойнауға қауқарлы еді», – деді Малинен.

Еске салайық, бұған дейін «Қайрат» 25 жастағы фин футболшысымен 2027 жылдың соңына дейін келісімшартқа отырғанын ресми түрде жариялаған еді.

67 жастағы фин маманы Юха Малинен қарағандылық «Шахтерді» 2007 жылдың қаңтарынан тамыз айына дейін басқарды, кейін Қазақстан жастар құрамасын (U-21) аз уақыт жаттықтырып, сол жылдың қазан айында қызметінен кетті.

Малинен 2017-2022 жылдар аралығында Финляндияның U-21 жастар құрамасын да басқарды.

Бұған дейін маман басқа бір фин ойыншысының «Қайратқа» ауысуы мүмкін деген қауесетке қатысты пікір білдірген болатын.