Умаев – «Қайраттың» қызығушылығы туралы: олар маған екі күн сайын қоңырау шалып, өздеріне шақырды

«Ақтөбе» шабуылшысы Идрис Умаев өткен маусымның алдында «Қайратқа» қосылуға жақын болғанын айтты, деп хабарлайды ASnews.kz.

«Қайрат» мені үнемі шақырып отырды. Олар маған екі күн сайын қоңырау шалып, «жай ғана келісіміңді бер, қалғанын өзіміз шешеміз» деді. Бірақ мен саналы түрде таңдау жасадым және олар мұны түсінді деп ойлаймын. Бас бапкерді танитындықтан, ешқандай реніш болған жоқ.

Мен оған: «Егер мен басқа адамдарға сөз берсем, сіздің командаңызға қосыла алмаймын. Бұл дұрыс болмас еді. Өзіңізді менің орныма қойып көрсеңіз, сізге де бұл әрекет ұнамас еді», - деп түсіндірдім. Содан кейін біз жаттығу жиынында кездесіп қалып, қайтадан сөйлестік. Бірақ ешқандай нәтиже болған жоқ», – деді Умаев Адам Ахмадовқа берген сұхбатында.

Маусымның бірінші жартысында алматылық клуб жарақат салдарынан екі шабуылшысынан айырылды: Элдер Сантана мен Жоао Пауло. Умаев та жарақаттына байланысты бірнеше апта алаңға шыға алмады.

Осы маусымдағы 19 ойында ресейлік шабуылшы екі гол соғып, төрт нәтижелі пас берді. «Ақтөбе» чемпионатта бесінші орын алды, ал Рафаэль Уразбахтиннің командасы титулын сәтті қорғады.