Алияр Мұхамед – «Тобылдың» қызығушылығы туралы: ресми келіссөзге ұласпады

«Оқжетпес» шабуылшысы Алияр Мұхамед жазғы трансферлік терезе кезінде қостанайлық «Тобыл» тарапынан болған қызығушылыққа қатысты пікір білдірді, деп хабарлайды ASnews.kz.

«Қызығушылық болды, бірақ ресми келіссөзге ұласпады. Сол сәтте мен үшін бастысы – «Оқжетпесте» тұрақты ойнау және даму болды», – деді Мұхамед.

Өткен маусымда шабуылшы көкшетаулық клуб сапында 24 матч өткізіп, үш гол соғып, үш нәтижелі пас берген.

Биыл Алияр ұлттық құрама сапында дебют жасады. Ол 5 маусымда өткен Беларусь құрамасына қарсы жолдастық кездесуде (1:4) алғаш рет алаңға шығып, 45 минут өнер көрсетті. Сондай-ақ, Әлем чемпионатының іріктеу кезеңі аясында Солтүстік Македонияға (0:1) қарсы ойынға да қатысты.