«Динамо» директоры – Зуев туралы: шынымен де қызығушылық танытып отырмыз

«Динамо Махачкала» «Тобылдың» жартылай қорғаушысы Александр Зуевпен келісімшартқа отыруға дайын, деп хабарлайды ASnews.kz.

Дағыстандық клуб 29 жастағы Қазақстан құрамасының ойыншысына қызығушылық танытып отыр:

«Мен көп нәрсе айта алмаймын, бірақ біз бұл ойыншыға шынымен қызығушылық танытып отырмыз», – деді «Динамоның» директоры Шамиль Газизов.

Зуев бұған дейін Ресейдің «Спартак», «Крылья Советов», «Ростов», «Рубин», «Химки» және «Арсенал» командаларында ойнаған. РПЛ-да 168 матч өткізіп, 18 гол соққан.

Өткен маусымда қостанайлық клубта бес гол соғып, төрт нәтижелі пас беріп, Қазақстан кубогын жеңіп алды.

Зуев Қазақстан құрамасы сапында 2023 жылдың қарашасында Сан-Мариноға қарсы матчта дебют жасады.

«Динамо» қазіргі уақытта Ресей чемпионатының турнирлік кестесінде 13-ші орында келеді. Хасанби Биджиевтің қызметінен босатылғаннан кейін команда жаңа бас бапкер іздеп жатыр.