Дациевтің агенті: оған «Тобылдан» басқа клубтар да көз тігіп отыр

Қырғызстандық қорғаушы Саид Дациевтің агенті Эмиль Писаренко ASnews.kz сайтына берген сұхбатында Премьер-лига клубтарымен келіссөздер жүргізіп жатқанын мәлімдеді.

«Тобыл» клубы Саидқа жаздан бері қызығушылық танытып, жақында менімен қайтадан байланысқа шықты. Біз сондай-ақ басқа да ҚПЛ клубтарымен байланыстамыз. Саид болашағынан зор үміт күттіретін ойыншы болғандықтан, болашағы үшін ең жақсы шешімді қабылдағымыз келеді: оның бапкердің сеніміне ие болып, ойнауы маңызды», – деді агент.

Писаренко Қырғызстан U23 құрамасының капитанымен келісімшартқа отырғысы келетін басқа да үміткерлерді атады:

«Сонымен қатар, Дациевті Украина өкілі бақылап отыр. Дегенмен, олар турнир кестесінің төменгі жартысында орналасқан команда. Молдовадан да келісімшарт ұсынуға дайын – дәл сол командаға ауысса, еурокубокте ойнай алады».

Дегенмен, трансфер туралы соңғы шешім қаңтар айына дейін қабылданбайды.

«Барс» клубының бұрынғы қорғаушысы қазір бар назарын Азия кубогына аударып отыр, аталмыш турнирде Қырғызстан жастар құрамасы Сауд Арабиясы, Иордания және Вьетнаммен кездеседі. Ол ұлттық құрама сапында екі гол соқты.

Өткен маусымда Дациев ел чемпионатында топ жарды. Бас-аяғы 23 ойын өткізіп, бір гол мен бір нәтижелі пасты өз атына жазды.

Бұған дейін қырғызстандық спорт журналисі және АФК қызметкері Теңгелбес Мусаев Дациевтің қабілеттері туралы айтқан болатын.