ПСЖ мен «Қайсарда» ойнаған футболшының қазір немен айналысатыны белгілі болды

«Қайсар» мен «Ертіс» клубтарының бұрынғы шабуылшысы Франк Джа Джедже ASnews.kz сайтына берген сұхбатында мансабын аяқтағаннан кейінгі өмірі туралы айтып берді.

«Қазіргі уақытта мен «Ницца» академиясында шабуылшыларды жаттықтырамын. Қазақстанды сағынамын ба? Әрине, сағындым, себебі сіздердің елдеріңізде мені жылы қарсы алды», - деді африкалық.

39 жастағы Джа Джедже өткен жылы футболдан кетті. Кот-д'Ивуар құрамасының бұрынғы шабуылшысы Қазақстанға келмес бұрын ПСЖ, «Брест», «Ницца» және «Страсбур» командаларында ойнаған.

Франк «Қайсар» мен «Ертіс» сапында 48 матчқа қатысып, жеті гол мен төрт нәтижелі пастың авторы атанды.

Бұған дейін Джа Джедже «Хартсқа» ауысқалы жатқан Ислам Чесноковқа кеңес берген болатын.