Жақсылықтың агенті – Еуропадан түскен ұсыныстар жайында: оған Албанияның клубы қызығушылық танытуда

Қазақстан жастар құрамасы мен және «Астананың» жартылай қорғаушысы Нұрали Жақсылықтың агенті Рустам Раджабов ASnews.kz сайтына берген сұхбатында футболшыға «Балканидің» (Косово) қызығушылық танытқанына қатысты нақты пікір білдірді.

«Ақпарат шындыққа жанаспайды. Иә, біз Балкан командасымен байланыстамыз, бірақ бұл «Балкани» емес, албаниялық «Партизани». Адамдар бұл жалған ақпаратты қайдан алып жатқанын түсінбеймін. Басқа елдерден ұсыныстар бар, бірақ шешілуі керек кейбір мәселелер бар. Біз жақын арада нақты шешім қабылдаймыз», – деді Раджабов.

Айта кету керек, «Партизани» Албанияда ең көп трофейі бар және танымал клубтардың бірі. Өз тарихында клуб 17 рет чемпион атанып, 15 Албания кубогын және үш рет Албания суперкубогын жеңіп алды.